قصة:ولادة حب... الحلقة 3
" عزة اعدة بتتفرج على التلفزيون... باصت على ساعة الحائط لقتها 6 ونصف... اية دة اتاخرت كدة لية... ومسكت الموبيل ورنت عليها"
"كانت ملك بتفتح باب الشقة بالمفتاح"
"كنتى فين ياملك"
" مفيش ... كنت فى الجامعة ... وبعد مطلعت... روحت اصور كشكول بتاع مريم صحبتى .. عشان فتنى كتير"
"ومكنتيش مع حد "
"حد ... حد مين ياماما... ممكن توضحى انا مش فاهمة حاجة"
************************
"عمر اول موصل البيت ... فتح بالمفتاح... حس ان مفيش حد فى الشقة... نده على هند....محدش رد..." راح اعد على الكنبة فى الصالة ... ورن عليها... الاتصال فصل واتكرر تانى..." ... ياترى انتى فين ياهند"
*************************
"انا شوفتك وانتى بتركبي عربية مع واحد... تحت البيت"
"ااااه دة واحد زميلي .. جية وكدة عشان يوصلنى "
"ملك بصي ياحببتى انا مش هكلمك فى حاجة... لانى عارفة انك كبيرة وعاقلة ... بس انا خايفة عليكي احنا بقينا لوحدنا... وانا يابنتى مش حمل اى حاجة تحصل تانى"
"متخفيش ياماما... انا بجد مبعملش حاجة ... ولو فى حاجة اكيد مش هتاخرانى اقولك "
"ربنا يوفقك يابنتى... وافرح بيكي قبل معيني يغطيها التراب"
"بعد الشر عليكي يا ماما... ممكن بقي تحضريلي اكل..معبال مدخل الاوضة اغير واجى"
"روحى ياحببتى
**********************
" فى الاوضة ... ملك اعدة على السرير... بتفكر فى موضوع الشغل اللى قال علية عمر... وقالت شغل حلو .. والمبلغ مش بطال..." وقامت تطلع لبس من الدولاب"
***********************
" عمر وبنرفزة" نـــــفسي اعر بتروحى فين" واعد يخبط بادية على رجلو..... اما وريتك ياهند ... عشان متتصليش بيا... وتقولي انتى فين كويس... ولا عرف راحة فين وجاية منين
*********************
" ملك فكرت تتصل بعمر... بس كانت متردد كتير... لاكن كان نفسها تسمع صوتو .. بس..." وبعد لحظات من التفكير .. قررت تتصل"
**********************
" عمر" الووو... انتى فين ياهند من الصبح .... ااية دة انا اسف اوى..... معلش والله غلط.... انا متوتر شوية.... معلش مخدش بالى من اسم اللى بيتصل.... موافقة اكيد طبعا الساعة 3ونصف تشرفينى .. خلاص شرفينى بكرة فى المكتب وتستلمى المكتب بتاعك..... اوكى مع السلامة"
***********************
" ملك حست بكسوف ... لما لقتو بيزعق ومتنرفز فى اول المكالمة.... " ياترى مين هند دى.... بس هوا لابس دبلة... اكيد مراتو ومنكدا علية عشتو"
**************************
" هند بتفتح الباب... تتفاجئ بعمر قصدها..."
" عمر انتا جيت امتا"
"لاو الله ... مبترديش على الموبيل لية"
"امتا دة ... انتا اتصلت"
"واخد من الشنطة بتعتهابعصبية.. وفتحها وورها كام ميسد كول "
" معلش ياعمر ... اصلي مخدش بالى"
"ولية ياهانم مخدتيش بالك اية اللى خلاكى مش واخدة بالك .. ومش سامعة الموبيل"
"هند" استنا هدخل سيف ينام.. وجيلك"
************************
" طلعت ملك من الاوضة .. واعدت على الترابيزة تاكل هى وولدتها"
"الا قوليلي ... انتى ملكيش صحاب فى الجامعة"
"لا ياماما ليا.... بس انا مليش اخطلات بحد... ياعنى مش لاقية حد يناسب عقلي وتفكيري"
"ولا حتى شاب"
" ماما .. انا فاهمة انتى عايزة تقولي اية... ياحببتى والله انا لو فى حاجة كنت قولت.. بس مفيش"
"ماهو موضوع زميلك دة بصراحة قلقنى... ازاى تركبي معاه كدة ياملك .. ولية يجي لحد بيتك.. ولحق يعرف العنوان ازاى"
"ياماما.. عادى بقي... متكبريش الحكاية كدة.... ويلا تصبحى على خير.. تسلم ايدك"
" دخلت اوضتها... واعدت على المتكب .. ومسكت القلم .. وبدئت تكتب "
******************
"عمر .. فى الاوضة بيغير هدومو... جت هند من وراه .. وهى بتساعدو يقلع الجاكيت"
"وحشتنى"
"لا ياشيخة وانتى فاكرة ان بحركتك دى... مش هنسي اسئلك كنتى فين"
"ياحبيبي هقولك... بس ادينى فرصة اشرحلك"
"اتفضلى ادى اعدة... هااا"
"من اسبوع تقريبا كنت حاسة بتعب جامد... رجلي وضهرى مكنتش قادرة منهم....
التعب ذاد عليا اوى ورحت الدكتور النهاردة "
"ومقولتليش لية"
" عادى ياحبيبي... انتا كنت مشغول..."
"والدكتور قالك اية"
"وقربت منو تانى ... وهى بتقلو... قالى ان في بيبي جاى فى السكة ...
وانى حامل شهر ونصف"
"عمر بعد عنها... وشال اديها من على كتفو...."انتى بتقولي اية... حامل!!!"
"ومالك مستغرب كدة لية "
"مش حكاية استغراب... هوا انا ناقص ... عيال دحنا عندنا عيل واحد.. وحضرتك مفيش اى اهتمام... امال لما تجيبي التانى... بصى الموضوع دة مش عايزو"
"واتفزعت هند من الكلمة...." انتا بتقول اية .. انتا عايزنى انزل البيبي... لا طبعا مستحيل"
"احنا مش كنا متفقين منجبش عيال دلوقت... انتى عايزة تربطينى وخلاص..."
"اربطتك... اربطتك بااية ... دنا بقولك حامل...محسسنى انى حملت لوحدى"
"بصي انتى مش نافع معاكى .. حووار انا سيبلك البيت وماشي"
"استنا هنا كلمنى .. انتا سيبنى لوحدى وماشي ..." عمرررر... يااعمر"
***********************
"عمر بيفتح نص عين.. وبيبص فى الساعة .. لقهاا 4 قام بسرعة.. وشال الفرش اللى كان حطو فى الارض .. ودخل الحمام يظبط نفسو... اول مطلع لقي جرس الباب بيرن... "
" اهلا وسهلا اتفضلي"
"اهلا بيك ... انا جيت فى وقت مش مناسب"
"لالا مناسب جدا اتفضلي.... " اتفضلي اعدى هنا وانا لحظة وجايلك"
"فضلت منتظرة... غاب عنها كتيرندهتلو "يابشمهندس عمرر.. حضرتك فين"
"واتحركت خطوات بطيقة ...لقتو واقف فى المطبخ... وبيعمل اكل"
" انتا بتعمل اية"
"زى منتى شايفة .. بحضر اكل"
"طب انا ممكن اساعدك"
"معلش انا بس عشان مفطرتش.. فقولت احضر فطار.. ونفطر مع بعض.."
" لا انا سبئتك من بدرى .. "
" لا متكسفنيش.. انا خلاص خلصت.. وهتكلى معاية"
" لم كل الحاجة اللى على المكتب .. وحط صنية الاكل فى النص... " يلاا اتفضلي"
"مدت اديها ..وبدئت تاكل .. باحراج .. عشان مش عايزة تكسفو"
***********************
" دة بقي ياستى مكتبك... ها حلو"
"اه جميل اوى.. ومنصق وفى كتب حلوة اوى .. من اللى بحب اقرءها"
"بجد " طيب لو عايزة تاخدى اى حاجة منهم خدى... برحتك خالص دة مكتبك.."
"ميرسي اوى"
"تعالى بقي اوريكى هتعملى اية"
****************************
" هند فضلت طول الليل سهرانة... طلع عليها الصبح .. وهى مستنية عمر... اعدت تعمل الاكل... " وتروح تشوف الموبيل.. ترن ولما متقلاقيش رد... ترجع تانى المطبخ تكمل عمايل اكل"
*********************
" اوكى تمام... انا كدة فهمت الشغل.. معلش الموبيل بيرن.... لحظة هرد"
"الو.... ازيك ياكمال اية اخبارك... لالا انا مش فى البيت.... طب معلش ياكمال لما ارجع .. هحللك الموضع دة .... خلى بالك من نفسك مع السلامة"
"عمر كان مركز فى كل كلمة بتقولها "
"مين دة"
"وحضرتك بتسال لية"
"عادى مجرد سؤال ... مش اكتر"
"واحد زميلي"
"اه واية الموضوع اللى عايز يحلو دة"
" حاجة خاصة معش .. مش هقدر اقول"
"وبدء يتغير ملامح وشو..." طيب طيب ... برحتك ... انا داخل المكتب.. ولو حد اتصل بيا... حوليلي المكلمة ... على مكتبي"
"بدئت تنفذ اللى هوا بيقولو..."
" ملك كانت اعدة على الكرسي.. بتفتكر تعبيرات وشو وهوا متنرفز... وحست انو زعل... قامت ... من المكتب.. وراحت عند مكتبو.. ووقفت قصادو وهوا بيرسم"
.... رفع عنية وبصلها.. وبعدين رجع عنية .. للى بيعملو .. وهوا بيتكلم"...ها فى حد سئل عنى"
"ابدا.. لو كان فى حد سئل كنت حولت المكالمة زى مقولت"
"اه امال فى اية"
"ابدا... جاية اتاسف ... على انى مكنتش عايزة اقولك الموضع"
"اه... لا عادى دى حرية شخصية... ثم انا غلطان .. انى طلبت دة منك.. "
"ابدا .. انا هحكيلك .. بس لما حضرتك تفضي..."
" وساب القلم.. وبصلها .." لا احكى"
***********************
" عزة بعد مخلصت صلاه... قامت عشان تتصل بى ملك وتشوفها اتاخرت لية"
******************
" بس ياسيدى.. واحنا زمايل من اول السنة... وهوا بيكلمنى عشان اصالح بينو بين خطوبتو ... مريم صحبتى"
"ااه ... ياعنى هوا دة اللى كنتى واقفة معاه ... ساعتلما وصلتك الجامعة"
"وبصتلو بستغراب"... اية دة انتا شفتنى وانا واقفة"
"اه لحظتك واقفة مـع"
" وقطعتو فى الكلام".. لحظة ماما بترن"ايوة ياماما... معلش نسيت اقولك قبل منزل... لا اصلي لقيت شغل... وروحت اشوف طبيعة الشغل دة اية....طيب مش هتاخر.... مع السلامة"
" وكملت كلام معاه... " فهمت بقي"
" اه فهمت"
"طب ممكن بقي حضرتك سؤال"
"اكيد"
"انتا متجوز .. صح"
"ايوة"
"كان جواز عن حب"
"ابدا... ولا حب ولا حاجة..."
"اصل بسمعك كتير بتتخانق .. معها"
"واتحرج انها بتسمعو"... بصي انا مش عصبي.... بس هى بتعمل حجات مستفذة"
" زعلان انى .. سئلت"
" لا ابدا عادى"
" طب انا هدخل المكتب التانى"
"اتفضلي"
***********************
"فات اسبوع ... وكل والاحداث ماشية كال اتى..."هند بقلها مدة مبتشوفش عمر... ومبتعملش حاجة غير انها اعدة بتعيط... وكل ما سيف يعيط زيادة... الالم يزيد عندها... وعندها امل بان عمر يتصل بيها ويطمنها علية
"عمر .. اعد فى المتكب يوميا... وكل يوم بينتظر ملك تدخل .. علية يعدو مع بعض... وبعدين يشتغل شوية... وهى تروح .. وهوا ينام ... ويستنها تجيي تانى... ومتجنب انو يكلم هند... ومتجاهل اتصلتها"
"ملك... بتفكر علطول فى عمر... ومش عارفة هل هوا بيفكر فيها زى ماهى بتفكر فى ولا لاء"
" ملك اعدة على المكتب كل عادة بتاع الشغل ..لقت الموبيل بيرن.. المتصل مريم"ازيك يامريم اخبارك اية.... لا طبعا جاية كتب الكتاب...... بجد هتعملو حافلة.. طب فين.... ماشي انا جاية... سلام"
********************
" هند حست بالم فى ضهرها جامد اوى ... معرفتش تتصرف ازااى"
" اعدت تتسند على الكراسي..." لقت الباب بيخبطت..." فتحت لقتو الزبال.."
" ثانية واحدة هجبلك الزبالة..." وراحت برضو وهى بتتسند من الالم"
" عزة طلعت على صوت الراجل بتاع الزبالة"... ممكن تاخد الزبالة اللى هنا لو سمحت"
" ايوة هاتيها"
"دخلت عزة تجيب الزبالة من جوة"
"كانت هند جابت الزبالة وادتهالو"
"طلعت عزة ونولتو الزبالة... ولحظت الست جرتها .. عمالة بتتالم..." بعد ما الزبال مشي"
" مالك ياحببتى فيكي حاجة.. محتاجة مساعدة"
"كتر خيرك... بس اصل انا جوزى مسافر... وتعبانة اوى"
"ياحببتى سلامتك.... طب اوديكى للدكتور"
"يبقي كتر خيرك..."
" طيب انا هلبس واجيلك حالا اوديكى
"دخلت عزة تلبس هدومها... وطلعت لقت باب الشقة بتعها مفتوح..."
"يااساتر .... يالى هنا... دخلت لقتها واقعة فى الارض.. وصوت طفل بيعيط "
************************
" ملك وعمر... داخلين ... القاعة اللى فيها الاحتفال بكتب الكتاب"
"على فكرة انا جيت معاكى ..عشان متزعليش... بس انا لابس وحش اوى"
"اهو نغير جو.. مش كلو شغل كدة... ولا اية يابشمهندس"
"ايوة فعلان مش كلو شغل"
" ودخلو يسلمو على الموجودين..."
" انتى قولتى لودتك انك هتتاخرى"
"اه متقلقش.... ماهى ماما عارفة ان اليوم النهاردة مشحون اوى"
"عشان متقلقش عليكي"
"متخفش"
*********************
" عزة واقفة برة ... يطلع الدكتور .. من غرفة العمليات... " تجري علية عزة... "
"ها يادكتور طمنى ارجوك
روووووووعة
ردحذفشكرا اوى لمرورك بالقصة
ردحذف