قصة :ولادة حب ... الحلقة 6
"قربت
منها..." ماما انتى بتعيطي... معقول ياماما... ارجوكى متضغطيش عليا"
"ياحببتى مالو دة بس.. جربي مرة واحدة.. يمكن يكون
هوا النصيب"
"ياماما هوا الحكاية تجارب... انا عايزة احس بالحب
مع الانسان .. اللى هكون معاة "
"بلا حب بلا كلام فارغ... مع العشرة هتحبى "
"طب بعد ازنك متعيطيش... وانا هعملك كل اللى انتى
عيزاه... ماشي"
"عزة ابتسمت .. لما حست ان ملك .. هتوافق مبدئيا
"
*************
" طلعت ملك من الاوضة ..... وطلعت كل الدموع اللى
كانت محبوسة فى عنيها... الباب خبط راحت تفتح"
" ازيك ياعمر ... عامل اية"
"انا كويس... هوا فين سيف"
"جوة .. معلش اتفضل ... ادخل وهجبهولك"
"دخلت ملك جابت سيف من اوضة ولدتها... "
"عزة" مين جية"
" دة عمر عايز ابنو ... عشان .. ماعدش معاه لما
الناس كانو موجودين"
"طيب ياحببتى ... اعمليلو حاجة يشربها... ولا اقوم
اعملو انا
"لا ياماما.. انا هعملو ارتاحى انتى"
" طلعت ملك من اوضة ولدتها .. ومعها سيف"
"عمر .. اخدو منها وهوا مبتسم...متشكر"
"اعد ياعمر لحد معملك حاجة تشربها"
"مسكها من اديها..." لا تعالى انا عايز اقولك
حاجة "
"ملك اعدت ...على كرسي قصاد منو"
"قرب الكرسي شوية عليها.. وهوا شايل سيف"
"ها .. فكرتى"
"فكرت فى اية"
" فى الجواز"
"اه فكرت .. ياعمر "
"ها ورايك اية"
***************
" مريم اعدة فى اوضة النوم... بطبق شوية غسيل"
"يجى كمال من ورها.. ويحضنها...."
وحشاااانى"
"وانتا كمان وحشتنى ياحبيبي"
"ممكن تسيبي اللى فى اديكى دة... وتركزى معاية
شوية"
"اهو ياحبيبي يولع الغسيل"هاا عايزنى فى
اية"
"غمض عنيك ياجميل ..."
"كمـــا ل انتا عارف انى مبحبش المفاجائات"
"ياحببتى يلا بس غمضي.."
"غمضت عنيها.... سحب شعرها لقدام.. ولبسها سلسلة
... فضة "
"فتحت عنيها" الــلـــه حلــــوة اوى ...
بحبك"
"بموت فيكي... عجبتك ياحببتى"
"طبعا عجبتنى... انتا اى حاجة بتجبهالى بتكون حلوة
اوى"
"قرب منها وبسها ...." ماتيجي اقولك كلمة
سر"
"ههههههه ... انتا مبتزهقش يابنى من
الاسرار...."
"اعمل اية بتوحشينى وبحبك "
***************
" ياعنى بجد موافقة ياملك"
"اه اه... وطى صوتك بس عشان ماما"
"لية .. ومالو هوا احنا هنعمل حاجة غلط"
"اية اللى مخليكي .. خايفة كدة"
"ابدا... بس عشان لازم امهد لها الموضوع"
"ماشي ياحببتى ... وانا مستنيكى تمهدلها.. بس
ارجوكى بسرعة عشان انا ... بحبك ومش قادر على بعدك ابدا"
"ابتسمت ابتسامة باهتة"... وانا كمان بحبك اوى
ياعمر"
**************
" فات اسبوع وكل حاجة ماشية كا لتى"
"ملك ... كل يوم بتفكر تعمل اية فى راي مامتها اللى
مسكها .. من اديها اللى بتوجعها"
"قررت انها توجها بالحقيقة .. وانها معجبة بعمر..
وانو عايز يتقدم"
***********
" ماشي ياسعاد.. بس الكلام مينفعش فى الموبيل...
ايوة ياستى هى موافقة.... ..هههههههه..... ربنا يتمم بخير انشاء الله...... لا
خليها على يوم الاتنين الجاى... ماشي ياحببتى ... سلميلي على احمد اوى ...
سلام"
"ملك كانت كل دة واقفة على الباب.... حاست تفكيرها
اتشل.... خايفة قلقانة اوى ... من رد فعل ولدتها"
"معقول ياماما... عايزة تخلصى منى كدة"
"خبطت على الباب"
" ادخلى"
"مبرووك ياقلب ماما.... سعاد واحمد جاين .. يوم
الاتنين... عشان نعمل قراية فاتحة... وهيلبسك الشبكة علطول"
"ااية دة ياماما... من غير معرف..."
"من غير متعرفى اية بس... من قولتلك اهو... ولسة
فاضل على يوم الاتنين5 ايام"
"ماما ارجوكى... متضغطيش عليا اكتر .. من كدة فى
الموضوع دة .. انا مش هوافق على خطوبة دلوقت... انا لسة بكمل دراسة .. ولسة اخر
سنة .. عايزة اركز... "
"واية هيعطل تركيزك.... بالعكس دة احمد .. ممكن
يساعدك اوى اوى.. ويشغلك كمان فى الشركة"
"لا انا مرتاحة مع عمر اوى"
"برحتك عمر راجل محترم.. وبيشغلك... وبيديكى راتب
مش وحش... بس انا قصدى تبقي مع جوزك"
"انتى خلاص خلتى جوزى ياماما... طب وانا فين
قراري"
"يابنتى قرار اية بس... هوا انتى هتتجوزى بكرة انا
بقولك جربي وسيبي نفسك شوية... عشان خطري مش هعيدو تانى... كفاية اوى ان ابوكى ..
تعبنى فى حياتى .. ومجبليش كل اللى بتمناه... والراجل يابنتى اللى يكون متجوز ...
ويبص برة ميكونش راجل لية امان ... وزى ما ابوكى عمل كدة بالظبط"
"اللى تشوفى ياماما... انا هروح الشغل"
" روحى يابنتى يارب يجعل فى كل خطوة ليكى
سلامة"
************
" فى المكتب عند .. عمر " بص حضرتك انا عامل الرسومات دى والله
خدت منى وقت كبير اوى .. معبال
"معبال معملت .. التصميم"
"ولا يهمك عموما.. انا هجيلك يوم
الاتنين... ونتفق مع بعض على اللى انتا هتعملو ... ماشي"
"طبعا موافق"
"يوم الاتنين انتا عندك حاجة"
"لا معنديش انا فاضي"
" يبقي اتفقنا"
" كانت ملك على باب المكتب...
دخلت"
"راحت اعدت على الكرسي.. قصاد عمر"
"وحشتينى"
"وانتا كمان وحشتنى اوى ياعمر.. هوا مين
دة"
"دة ياستى اللى ..هى وصلنى للمجد"
"ازاى ياعنى"
"اولا جايبلى شغل كتير اوى اوى...
ثانيا.. انا فرحان لان ربنا كرمنى.. بيكى وبالشغل مرة واحدة.... وشك حلو عليا
يااجمل ملك"
"ملك مش قادرة تضحك مش قادرة تحس بطعم
الحياه... لانها عارفة النتيجة فى الاخر"
" مالك ياحببتى سرحانة فى اية"
" ولا حاجة"
"قولتى لولدتك طيب"
"لا لسة"
"طيب حاولى تعجلي شوية ...
وقوليلها..."
"حاضر"
"بحبك"
"بحبك"
**********
"مريم... " كانت اعدة مش عارفة
تعمل اية... كمال بيروح الشغل بدرى وبيفضل اعد لحد الساعة 12... وهى بترجع من
الجامعة... يدوب تعمل الاكل وتعد .."قالت تتصل بملك .. وتخليها تعدى
عليها"
*********
" ملك دخلت مكتبها... لقت عنيها حرقها
اوى... نزلت دموع غصب عنها.. من حرقت قلبها... "
"لقت موبيلها بيرن"
"الو... ازيك يامريم عاملة اية.. وازى
كمال"
" عمر سمع ملك بتكلم فى الموبيل... جالو
الحاح يسمع بتقول اية"
"انا كويسة ياحببتى وانتى اية اخبارك
.... يارب اشوفك بخير ديما"
"حاضر هعدى عليكي بس لو عرفت... ماشي
ياجميل.....اه باذن الله قريب هتفرحو بيا ..... ايوة جايلى عريس .... لا نا مش
زعلانة خالص بس انتى عارفة الشغل والكلية والضغوط... طيب مع السلامة "
"عمر ابتسم.. ورجع المكتب تانى... وهوا
حس ان ملك بجد موافقة علية.. ومش مترددو... معانو سعات بيشك انها.. مبتحبوش من كتر
ما هى متوترة علطول... " بس لا ياواد ياعمر البت بتحبك اوى... وانا والله
بموت فيها اوى اوى ... ونفسي نتجوز اوى.. وخصوصا عشان الواد سيف متعلق بيها
خالص"
*************
" بعد خمس ايام ... "
"لولولولولوى .... مبروك ياحبيبت قلبي
...."
"الله يبارك فيكي...." ملك اعدة
خايفة اوى عمر يجي فى وقت زى دة... عمالة تبص لكل الموجودين ... وخصوصا ولدتها...
فرحانة اوى اوى.... اول مرة تشوف ولدتهاا فرحانة كدة"
"نفسها تعيط مش عارفة "
"احمد بيمد ايدو .. يمسك اديها...
يلبسهاالشبكة..."
"تلبسها بسرعة وتسحب ادها علطول"
"مبروك ياحببتى..."
" الله يبارك فيك"
*************
" عمر واقف فى منتصف الفيلا... وبيشتغل
مع العمال...."
"يجي رؤف... من ورا ضهرو"
"حلو اوى على فكرة لو هتعمل زى ما قولت
كدة"
" يافندم اللى حضرتك بتطلبو انا بعملو..
لا اكتر ولا اقل"
"بس انا عايز ابنى هنا حيطة تقفل على
الريسيبشن .. تبقي احلى ياعمر صح..."
"بص ياستاذ رؤف انا حسب منا مصم انا
هعمل.. ولو حضرتك مش عجبك حاجة.. ممكن نعملها من تانى ... وباذن الله خلال شهور
تكون جاهزة"
"ربنا معاك"
***********
" كل الناس موجودين قريب العريس...ودلتو
واختو .... وخالتو وعمامو..."وانا جتلى مريم ... وكمال جوزها."
" مريم قربت من ملك...." مبروك
ياحببتى..."الله يبارك فيكي"
"مالك ياملك.. ولا اكنك فرحانة.. ابتسمى
يابنتى"
"حاضر"
" احمد" تعالى نقف شوية فى
البلكونة بعيد عن الزحمة نتكلم شوية"
"لا خلينا اعدين"
"بس انا عايز اتكلم معاكى"
"وفقت ملك على مضض..."
"تعالى .. " اخدها ودخل
البلكونة"
"ملك واقفة قصادو .. ومش بتتكلم
خالص...وسرحانة فى عمر"
"ملك ياملك.. انتى مش فرحانة اننا
اتخطبنا"
"لاء ... فرحانة"
"بس مش باين..."
"معلش .. اصلي تعبانة شوية"
"ملك انا بحبك اوى"
"انتا لحقت"
"انا بحبك من زمان ياملك"
"اه ... طيب"
"طيب اية"
"مفيش"
************
" عمر بعد مخلص... روح عمال بيرن على
ملك .. التليفون غير متاح.. روح باقصى سرعة عشان يفرحها... فى موضوع الفيلا اللى
بيعملها"
**************
" بعد اذنك عايزة اخش اعد"
"اتفضلي"
"ودخلو هما الاتنين.... عزة عمالة بتقدم
المشروبات والجاتو..."
"اعدت ملك واعد جمبها احمد"
" ملك كل اللى هممها .. عمر خايفة يجى
.. هى عرفة انو بيشتغل... بس خايفة تتفاجئ بية"
**************
"عمر بيركن العربية تحت البيت.... كان
معاه اكل وحلويات وحجات زى العادة ... عشان سيف..."
" طلع على السلم .. وهوا سامع
زغاريط...وضحك وناس بتسقف"
"عمر وهوا طالع " الله بداية مبشرة..
عقبالى انا وملك... طلع الدور التانى... ووصل للتالت... وسمع ان الزغاريط من شقت ملك"
"استغرب اية دة" رن الجرس"
" كل الموجودين سمعو الجرس وهوا بيضرب"
"ملك دقات قلبها.. من قوتها حاسة انو كل
سامع دقات قلبها"
" عزة تروح تفتح الباب"
"ازيك ياعمر اتفضل"
****************
جمييييييييييييييييييلة جدااااااااااااااااا
ردحذفالقصه حتى الا مثيره رائعه مشوقه ويارب يكون باقى القصه دسم بالمواقف اللى محرومين اننا نسمعها او نشعر بيها من زمان
ردحذفعلى فكره القصه دى لو مشيت بنفس السياق ده تنفع تتعمل سيناريو جميل
ربنا يوفقك يارب وبدايه موفقه باذن الله