بــين المطــرقة والســندان
"ارجوك .. ملوش لازمة كلامك دلوقت...وانا محطتش حبنا بين مطرقة وسندان ... انا عملت الصح لما لقيتك هنت مشاعرى
كنت عايزنى اعمل اية اسيبك تهزقنى .. ارجوك انا مش عيلة دلوقت.. سبنى فى حالى
..
" تمشي فريدة من قصادو .. خالد يعد على الكرسي .. ويحط ايدو على دماغو ... ويعيط من شدت حبو ليها "
" تمشي فريدة من قصادو .. خالد يعد على الكرسي .. ويحط ايدو على دماغو ... ويعيط من شدت حبو ليها "
******************
" خالد بيركن العربية .. تحت البيت "
" منى نايمة على السرير .يدخل عليها " ... اية ياخالد ...اطفى النور"
" خالد يروح يعد جمبها .." منى عايز اكلم معاكى شوية "
" ياخالد دة وقتو .. انتا شايف الساعة كام "
" خالد يقوم من جمبها .." خلاص نامى "
" يطلع خالد من الاوضة .. منى تفوق وتقوم تشوفو".. اية ياخالد .. فى اية "
" مكان من الاول .. عموما خلاص مفيش حاجة "
" منى تروح تعد جمبو " عملت اية مع مدام فريدة "
" عادى ... عملت معها جلسة ..."
" ميرسي ياخالد انك اهتميت " ((((( سكوت طويل ))))) " منى انا عايز اقولك حاجة " "قول "
"هوا لو واحد متجوز ... وفجائة حس انو مش مرتاح فى الجواز ... وفاض بية .. يعمل اية "
" منى بتتكلم عادى ..وهى مش فاهمة ان الكلام ليها "
" اممم ... يايبعد عن زوجتو دى ... او يفكر فى مشكلتو معها ... ما يمكن يكون ظلمها "
" ولو فكر وعمل كل حاجة ليها وهى برضو ... مش فهمااه ومش مريحاه .. يعمل اية "
" تقصد اية ياخالد بكل دة .. "
" ابدا ياحببتى .. انا بدردش معاكى "
" على العموم.. انا مش عارفة اجاوبك على كلامك ... على فكرةابن عمى هيتجوز.. ودخلتو كمان يومين .. عايزة اروح" " بس انا يامنى كنت عايز نسافر .. ياعنى نشم شوية هوا "
" بس انا وعدتو ياخالد ... خلاص ياحبيبي اجل السفر شوية "
" خالد يدايق اوى من كلامها "
" يلا ياحبيبي تصبح على خير"
*****************
" فريدة اعدة فى الارض فى المطبخ ...عمالة بتنضف فى الخضار"
" اشرف يدخل عليها .." اففف اية القرف دة .. اية ريحة الاكل المقرفة دى "
" استغفر الله العظيم .. اعمل اية ياعنى يأشرف .. منا فاتحة الشباك اهو "
" نفسي اعرف .. احنا لحد امتا هنفضل بناكل الحاجت المقرفة دى "
" يااشرف عيش عيشت اهلك .. حرام عليك تعبتنى اوى "
" دنا اللى تعبت ومعدتى وجعتنى والله .. انا نازل وساعتين كدة وجاى "
" رايح فين "
" اشرف بنرفزة .. " وانتى من امتى ياهانم بتسأليني رايح فين وجاى منين.. يطلع ويسبها "
"فريدة تاخد نفسها وتكمل تنضيف.. يدخل عليها وليد "
" ماما .. انا عايز احل الواجب دة .. ومش عارف احلو ... صعب اوى ياماما "
" حاضر ياوليد .. اخلص ياحبيبي الاكل .. اجى احلو معاك " " يوووة ياماما كل يوم تقوليلي كدة ... ومتعمليش.معاية حاجة.. والمدرسة تضربنى جامد"
" فريدة تقوم .. على كلمت تضربنى جامد .. وترددها" تضربك جامد .. ومقولتش لية "
" ياماما .. منا كنت عايز اقولك امبارح .. بس كنتى بتتخانقى مع بابا"
" فريدة تاخد وليد فى حضنها .." معلش ياحبيبي .. بكرة هروح معاك المدرسة واشوف حكايتها اية "
*****************
" خالد يروح الجامعة ... وفجاءة يلاحظ جيهان .."
" ازيك .. يادكتور خالد "
" ازيك دكتورة جيهان اية اخبارك "
" تمام .. انا حضرت ببدالك المحضرة اللى انتا مجتهاش امبارح "
" طب كويس .. شكرا .. مع السلامة "
" جيهان تندهلو ".. يادكتور .."
" خالد يلف .." نعم "
" انا كنت عايزة اكلم معاك شوية "
" بخصوص"
" عادى .. شوية حاجات عايزة اقولهم لى حضرتك "
" طيب مينفعش وقت تانى .. علشان هروح العياده"
" طيب ينفع اجى العياده"
" خالد بزهق: طبعا اتفضلي فى اى وقت"
" طيب هاجى لحضرتك على الساعة 6 اوكى"
" طيب تشرفى"
******************
" ماجدة .. بترضع رحمة .. وماشية بيها فى الشقة كلها .. وهى شيلها علشان تنام ".. ياترى انتا فين كل دة ياضياء "
" تصحى صفاء من النوم " اية ياماجدة .. هوا ضياء لسة مجاش"
" ايوة ياماما لسة مجاش"
" طب هتيلي اكل لحسن جعانة اوى "
" حاضر "
" تدخل ماجدة تحضر الاكل .. تسمع صوت حماتها بتفتح الباب "
" ضياء داخل من الباب وباين علية الزعل"
" مالك ياحبيبي فيك اية "
" مفيش ياماما .. امال فين ماجدة... ورحمة مش سامع ليها صوت
" رحمة نايمة .. وماجدة بتحضر الاكل "
" طيب انا هدخل اغير هدومى "
" ماجدة تطلع من المطبخ ... "
صفاء تقرب منها"
" ادخلى شوفى ضياء شكلو مدايق "
" ياماما والاكل طيب على النار"
" متخافيش انا هشوفو "
" تدخل ماجدة على ضياء.. تلاقية بيقلع الجاكيت .. تقرب منو .. وتقلعهولو " اية ياحبيبي... مالك شكلك تعبان "
" ابدا .. مخنوق شوية بس "
" من اية " " موقف شفتو زعلنى شوية "
" موقف اية .. قلقتنى "
**************
"فريدة اعدة .. على ترابيزة الاكل .. ووليد اعد قصدها"
" يوووة ياماما ... انا هموت من الجوع .. بابا هيجي امتا "
" ياحبيبي ربنا يجيبو بالسلامة.. انتا شايفنى اعرف ياعنى "
*****************
" اشرف .. راكب التاكسي.. وعمال ياكل فى بلان نعناع .. علشان رحيت الخمرة .. متشمهاش فريدة "
" وبعد ما يوصل للبيت .. يفتح الباب .. ويدخل "
" فريدة اول ما يدخل .." اية ياحبيبي انتا مش قولت الصبح انك ساعتين وجاي .. لية كل التأخير دة "
" اشرف بيحاول يتكلم بى سبات .. علشان ميبنش علية" ابدا ... كنت عندى شوية مشاوير بعملها"
"طيب يلا عشان تاكل .. احنا مستنينك بقلنا ساعة"
" لا كلو انتو .. انا كلت برة.. " يدخل اشرف الاوضة وقفل علية الباب"
" وليد لى فريدة " ماما .. بعد كل دة ... وبابا مش هياكل .."
" معلش ياحبيبي... كل يلا"
*****************
" ينهار ابيض.." ياعيني عليكي يافريدة يااختى.. انا لازم اقولها .. لازم بابا يشوف حل مع الوسخ دة .. انتا متعرفش اختى تعبانة معاه قد اية "
" صدقيني انا زعلت اوى .. لأنى شفتو بعيني .. فريدة اختك ما تستهلش كدة ... يعتبر دى زى اختى الصغيرة وانا خايف لحسن تعرف بلاش تقوليلها" " لا هقولها وهقول لى بابا وماما ... لازم تشوف حل .. "
"انتى حرة .. بس انا برجح بلاش تقولى"
****************
" جيهان داخلة عند خالد فى العياده"
" اهلا ازيك يادكتورة جيها ن"
" ازيك انتا يا دكتور خالد"
" كنتى عايزة اية "
"ممكن اقول خالد بس بدون دكتور " عادى "
" خالد .. انا من زمان وانا بفكر كتير وبلوم نفسي على اللى حصل منى"
" جيهان .. خلاص الموضوع دة من زمان .. وملوش اى لازمة"
" بس لية لازمة عندى ... انا تعبت اوى ياخالد .. وبجد عرفت قيمتك"
" بكرة ترتبطى باللى احسن منى .. انا متجوز دلوقت"
"ولو قولتلك انى عارفة انك متجوز.. مدام منى اللى بتروح النادى.. وانها مش بتخلف .. وانك محتاج طفل... صدقنى لو فكرت شوية .. هتلاقى انك لازم تتجوز.. علشان تجيب طفل"
" انتى بتقولى اية "
" ياخالد .. احنا اتخطبنا فطرة .. وكنا مش متوفقين دلوقتى انا دماغى اتغيرت .. كل حاجة فيا ادغيرت .. صدقنى انا محتاجة منك طفل .. ومحتاجة اكون مراتك "
" خالد ساكت ومستغرب جرئتها وطلبها للجواز "
" انا اتجوزت سنة و6 شهور من شخص مكنتش بحبو .. اطلقنا بالعافية .. وسابلي شقة عايشة فيها لوحدى.. صدقنى انا محتاجة اتجوز اوى .. حاسة انى مش قادرة اعيش من غير جواز .. ولما اتعرفت على صحاب مراتك .. كانو بيحكو عنها ومكنتش اعرف انها زوجتك .. وانها بتعانى عند الدكاترة علشان عايزة تبقي ام .. قولت يبقي احنا نتجوز... وانا اعوض حرمانى بمتعت الجواز .. وانتا تعوض انك مخلفتش وتخلف قبل فوات الاوان"
" خالد بنرفزة..." ارجوكى كفاية ... انا مش هقدر اعمل اى حاجة من دى ...ياريت تعرضي على حد غيري"
"جيهان .... عيونها تدمع من شخطو فيها"
"جيهان انا اسف .. بس بجد مش هقدر اعمل دة انا بحب بيتي ومراتى "
"اوكى .. مع السلامة "
"خالد يعد على الكرسي .. ويفك الجرافت من الخنقة ويقلع نضارتو .. ويفكر فى كلامها تانى .. ويدايق"
****************
منى اعدة مع ولدتها "
" ماما ... انا تعبت اوى "
" من اية يامنى"
" نفسي اجيب بيبي ياماما .. نفسي افرح بالامومة.. نفسي احس انى عندى طفل .. اربية واكبرو ... واشوفو قصاد عيني بيكبر .. احس انى عملت حاجة"
" سماح لحظت دموعها المحبوسة جوة عينها .." وحدى الله يامنى... المهم خالد راضي ولا بيشتكى"
" لا مشتكاش .. ومليش دعوة بية انا اهم حاجة انى محتاجة اجيب بيبي "
" طيب قولى يارب .. وافتحى معاه الموضوع ونحاول نتابع مع دكتور كويس"
**************
"فريدة طالعة فى الحوش ..."
" بصي يامدام .. وليد .. سلوكو مش حلو .. ياعنى لحظتو كذا مرة بيتكلم بطريقة وحشة مع اصحابو .. ومرة شفت معاه صور ياعنى .. مينفعش طفل فى سنو يمسكها... صدقيني انا بضربو وهو فاهم ان علشان المذاكرة .... لاكن علشان لقيتو متغير خالص" " فريدة عيونها بتدمع .. " ارجوكى .. انا مش عارفة اقول اية .. بس ممكن تساعديني " "حضرتك لازم تمسكى علية شوية .. تحاولى تبقي جمبو .. الولد صغير واى حاجة هتحصل قصادو هيلقطها" " فريدة وصوتها حزين " " حاضر"
**************
" فريدة داخلة البيت .. وهى مش قادرة تقف ...فجائة تسمع صوت التليفون .. تروح ترد"الو ... ازيك ياماجدة... موضوع اية ... مهم اوى .... بس اشرف مش هيرضي اروح النهاردة .... لا برضو ولا حتى بكرة..... طيب هحاول عموما هوا كمان 3 ايام وهيروح الشغل .. هبقي اجى ... منتى عارفة انو بيبات فى الشغل... حاضر ياحببتى ... مع السلامة"
" تبدء فريدة تغير هدومها وتعمل الاكل وتروق"
**************
" الساعة تدق 9 خالد اعد على المكتب .. يبص فى الساعة .. يمسك الشنطة ويمشي "
*************
" منى بتبص فى ساعت الحائط .. وعمالة تغل فى روحها" .. كل دة تأخير ماشي ياخالد .. لما بس تيجي شوف انا هعمل اية .. علشان تسبنى طول اليوم كدة.. اول ما تسمع صوت الباب بيتفتح .. تروح عندو بندفاع" "انتااا يأستاذ اية كل التأخير دة .. انا مبقتش حاسة بوجودى فى حياتك .. كل شوية شغل شغل... ياا اعد مع صحابك .."
" خالد داخل مستغرب من اسلوبها ومن صوتها العالى" مالك يامنى فى اية "
" انا خلاص مبقتش قادرة .. ولا عندى اطفال يسلونى ولا جوزى مسليني "
" انتى شيفانى كيس لب... وبعدين منتى اللى مش بتخلفي .. ومش عايزة تتعالجى"
" منى تسكت لما تحس ان الكلام جرحها اوى" " خالد يبدء يتكلم بأسلوب هادى"
" يامنى لية تخليني اتكلم بالاسلوب دة"
" ايوة ايوة... تهنى وتجرحنى وتبدء تكلمنى براحة .. علشان ابدء جولت الاكل ...وافضل امتع فيك وايدالك صوابعى العشرة شمع"
" خالد بنفاد صبر"
" بصي يامنى احنا لو هنتكلم انك بتعمليلي ... فأنتى مبتعمليش حاجة غير تنكدى عليا ... ياريت تتعلمى شوية ان اسلوبك يكون اهدى.. وصوتك ميعلاش كدة ... دنا اللى اخدت مقلب .. زمان وانتى عيلة صغيرة .. كنتى حاجة تانية خالص... كنتى هادية وجميل .. ومثقفة الكتاب مكنش بيفارق اديكي ... "
" لأنى مكنتش زوجة .. مكنش ورايا حاجة "
" وانتى شيفانى بشغلك فى الفاعل .. دة حتى الاكل .. مبتعمليهوش عدل وساكت... اقول معلش ياض .. خدها على قد عقلها البت برضو اتربت على الدلع.. سبتك 6 سنين تدلعى.. وانا اسكت وقول يوااد اسكت .. دى مراتك اللى فى يوم هتتغير وهتبقي حاجة تانية .. سكت لما اتحرمت من طفل.. قولت اكيد هتبقي عاقلة وهتعوضيني بدل حرمانى انى اكون اب هتكونى كل حاجة فى حياتى.. اتريكي بتتمادى فى انهيارى وانهيار البيت اللى عايشين فية .." يدخل خالد الاوضة بنرفزة ويلبس هدومو"
" انا بعمل كل دة ... حرام عليك .. ياعنى عايزنى اعمل اية " " لما متلاقيش خالد بيرد عليها تصرخ فى وشو "
" عاااايزنى اعمل اية .. رد علياا
"خالد يزقهاتقع على السرير.. وهوا بيعدى من جمبها.. يفتح الباب ويرزعو "
" منى بعد ما يقفل الباب .. تنزل تعد على الارض ورا الباب وهى بتعيط "
**************
" خالد طول ماهو ماشي فى الطريق... حاسس بندم انو اتجوز منى.. " كنت ساعتها بفكر ازاى .. لييييية اتسرعت.. علشان تغيظها .. اديك بتغيظ نفسك .. لية عملت كدة ياخالد .. ليية... فجائة وهوا متنرفز يبص قصادو يلاقي صوت فرقعة جامد..... يقف بالعربية .. ويبص من الشباك على العجلة اللى جمبو يلاقيها فرقعت"
**************
" فريدة اعدة ومعها وليد على حجرها"
" اعتدال.. تندهم علشان الاكل "
" يروحو كلهم .. ضياء وماجدة وفريدة ورشادواعتدال" " اعتدال لى فريدة " اية ياحببتى الاكل مش عاجبك "
" ابدا ياماما .. دة حلو اوى تسلم ايدك"
" ماجدة كل شوية تبص على فريدة وصعبان عليها "
" ضياء عمال يبص لى ماجدة .. وعينو بتقول.." بلاش ياماجدة اللى فى دماغك ... تبصلها ماجدة صعبان عليها... يبصلها ضياء بيترجها بلاش.. تبصلو ماجدة ... بأنها هتحاول تسكت"
" بعد ما يخلصو اكل .."
" تروح فريدة تحضر مع ولدتها الحلويات اللى عملها .. وتيجيهى وى ولدتها تقدمها ليهم "
"ضياء لى اعتدال " تسلم ايدك ياطنط"
" ماجدة..لى فردة " تعالى يافريدة اعدى جمبي"
" بدؤ يتكلمو كلام عادى جدا .."
" رشاد بيتكلم انو خلاص قرب يطلع على المعاش
" ضياء لى رشاد " .. بص ياعمى انا عارف ان حضرتك مدايق.. بس لازم ترضي بدة .. لاكن انا هحاول اشوفلك محل .. نأجرو وتعد فية "
" رشاد " لا يابنى متتعبش نفسك .. انا فعلا فكرت وكنت هعمل دة .. مع واحد صاحبي حبيبي واحد اعرو من زمان .. من وماجدة وفريدة صغيرين .. هوا قالى لو انا طلعت على المعاش هروح اعد معاه.. ودة اللى طمنى... وقالى هساعدو بالمجهود بس .. لأنى معايش فلوس ااجر" " فريدة واتكلمت "
" انا ممكن اخلى اشرف يدي لحضرتك الفلوس وتشوف محل"
" رشاد ساكت ..اعتدال لاحظت سكوت رشاد .. ماجدة اتقلب وشها لما فريدة جابت سيرت اشرف " اعتدال واتكلمت .. لما حست ان السكوت طول"
" لا ياحببتى متتعبيهوش ... ابوكى قدها وقدود"ماجدة لى فريدة "
" تعالى يافريدة .. عايزة اتكلم معاكى شوية لوحدنا وحشانى "
" ماشي ياحببتى .."
" تدخل فريدة الاول .. وبعدها ماجدة "
" ضياء يشد ايد ماجدة انو ميقولش لى فريدة حاجة "
" فريدة تقلو .." خلاص ياضياء هحاول "
**************
" خالد اعد فى مكتبو اللى فى بيتو "
" تدخل منى علية فجائة
" خالد" مش تخبطى قبل ما تدخلى"
" لا ياشيخ وانا هستأذن علشان ادخل
مكان بيتي "
" انا مقولتش كدة .. بس فى حاجة اسمها ذوق احترام "
" الكلام دة لو مش جوزى"
" طيب طيب "
" منى تقرب منو بدلع.." مالك ياخالد .. لية بقيت عصبي كدة علطول"
" والله اسئلى نفسك .. مبشوفش يوم حلو "
"منا نفسي فى طفل"
" انا نفسي اكتر منك .. واظن انا ساكت.. وكل ما تحتاجى فلوس بديكي علشان تروحى تعملى عمليات.. وصرف على دكتره.. اظن مديكي اللى ورايا واللى قدامى وساكت"
" انتا بتعايرنى"
" مش حكاية كدة .. بس لو كنتى شوفتى اللى وراكى بجد.. مكنتش قولت كدة"
" منى بعياط " طب قولى اعمل اية ... دكاترة وروحت لى مليون واحد...لاكن غصب عنى "
" خالد ارجوكى انا ورايا شغل عايز اخلصو "
"تسمع منى التليفون بيرن ..تقوم علشان ترد"
" خالد يبدء يمسك الكتاب ويكمل قراءة.. واكن منى مكنتش بتعيط او تعبانة قصادو"
***************
" فريدة تنزل من عيونها دموع غصب عنها "
"انا اسفة يأختى .. بس كان لازم تعرفى.. صدقيني كان ضياء مش عايزنى اقولك .. لاكن لازم تشوفى صرفة كدة الناس هتتكلم .. ومش هتعرفى تربي ابنك كويس"
" انتى بتقولى فيها ... ابنى ضاع.. مبقاش متربي.. مش عارفة اتلم علية شوية ... الواد اتعلم حاجات مش عارفة اعمل اية المدرسة قالتلى انو بقي بيشاغب كتير ومبيسمعش كلام حد وبيردعليهم .. وانو جايب صور وحشة اوى.. بيتفرج عليها .. واصحابو بيروحو يقولو ليها"
" وانتى هتسكتى على كدة لحد ما أبنك يضيع"
" انا هتكلم مع بابا... ولازم اشوف حل "
" عين العقل ياأختى .. ولو على الجواز .. وانك تربي ابنك فى كتير... صدقيني مش هتغلبي انتى حلوة والف مين يتمناكى.." " تفتكرى انى هتجوز تانى .. علشان اشوف المر تانى .. ولاقى جوزى يبهدل ابنى ويضربو "
" ياستى بلاش جواز ... تعدى فى وسطنا وابنك يعيش معاكى وجمبك ... لاكن تعيشى مع اشرف بلاش .. الا لو انتى عايزة تعيشي برحتك بس صدقيني بكرة هتشوفى دة بعينك مش الناس اللى هتشوفو وتقولك وسعتها هتقررى دة لى وحدك"
"فريدة اعدة بتفكر ومش قادرة تعمال حاجة "
*******************
" واحد من الجيران اللى عايشين فى نفس العمارة اللى عايش فيها اشرف"
" هوا الراجل دة مش هيلم نفسو .. مراتو تمشي من هنا .. يجيب وحدة شكل .. ويقوم نازل .. ويرجع وش الليل سكران وبيطوح" " واحد تانى من الجيران" لاا احنا لازم نبلغ البوليس"
" واحدة من الجيران.."والست مراتو .. كدة هنعمل شوبها لبيتنا .. لو البوليس تخطى البيت " ماهو الراجل دة عملها شقة دعارة .. ومش هامو حد ... والبنات اللى بيجبها .. ماسخين ..."
" يبقي لازم نطب علية دلوقت... ونجيبو من قفاااه.. ونجبلو البوليس"
" يطلعو كلهم على فوق"
" اشرف يسمع صوت خبط الباب الجامد"
" نسرين .." اية دة .. مين جاى" " انا عارف .. استنى خليكي هنا
"يطلع اشرف من الاوضة "
" واحد من الجيران.." واحد فيكم يطلب البوليس .." " طلبناه من وحنا تحت"
"اشرف يسمع صوت ناس كتير ...يفتح الباب بترقب.. واول ما يفتح "
"اية دة انتو مين "
" احنا جرانك يافندى"
" اشرف وبيتكلم بصوت متقطع". وعايزين اية بالظبط " " عايزينك تبطل سفالة وقرف .. "
" احترم نفسك ياجدع انتا "
" نسرين تيجي من برة على صوت اشرف بيزعق" هوا فى اية ياشرى"
" ادخلى انتى جوة مش قولتلك متطلعيش"
" واحد من الجيران.."
لاماهو كدة كدة هتطلعو "
" فجائة يسمعو صوت عربية البوكس " اشرف يتفاجئ بطلوع البوليس على السلم ..." يقف متسمر مكانو ووراة نسرين بتغطى نفسها وخايفة"
ليست هناك تعليقات:
إرسال تعليق