قصص:غــــــــادة : بين المطرقة والسندان.... الحلقة13

بيــن المــطرقة والسنــدان




" خالد من بعد ما مشيت فريدة .. ومنى .. وقف مكانو .. وهوا مدايق اوى .. طلع بسرعة لى فريدة "


******************

" فريدة ماشية فة ممر الاوض... لحد ما وصلت لى اوضتها ..."
"الممرضى تدخل عليها "
" اى خدمة يامدام"
" اه .. ارجوكى لميلي هدومى.. عايزة اروح"
" بس دكتور خالد لسة .. مأذنش بخروج حضرتك "
" تتعصب فريدة "
" اروجكى لمى هدومى .. وملكيش دعوة انا خفيت "
" تعمل الممرضى زى ما بتقول لها .. وتطلع من الاوضة "
" خالد يروح اوضتها يلاقيها اعدة بضهرها.. يقفل الباب ويروح عندها"
"انا اسف يافريدة "
" ابعد عنى... لوسمحت"
"انا مقدرش ابعد عنك انا مصدقت لقيتك .. احنا هنتجوز"
" انا متجوزة.. ازاى اتجوز.. وبحب بيتي وجوزى وابنى"
" انتى كدابة"
" فريدة تبصلووتدايق اوى "
" ايوة كدابة ..  اانا عارف كل حاجة .. ولدتك حاكتلى... قد اية جوزك تعبك وانك قررتى انك تطلقى
" رجعت فى كلامى ياخالد .. روح لى مراتك ... انا مش حمل كدة"
" متخافيش .. والله ما تخافى .. احنا هنتجوز.. وهجبلك كل اللى انتى عيزاه.. انا بكسب فى خلال الشهر كلو .. مبلغ مش بطال.. صدقيني هجبلك اللى انتى عيزاه... هخليكي اسعد وحدة فى الدنيا.. وابنك مش هخلية محتاج حاجة .. لأنو هيعوضنى بحرمانى بالخلفة .. وانتى هتعوضيني بالحنان .. اللى عمرى محسيتو "
" فريدة تعيط "
" ارجوك .. انا مش مستعدة انك تخرب بيتك علشانى انا مليش حد... اتجوزت وجوزى الله واعلم مع بال ما يطلقنى هيعمل فيا اية .. مش بعيد ياخد ابنى منى..."
" متخايش... هسعدك ان ابنك يبقي معاكى .. وهغير حياتك خالص .. بس وافقى..."
" فريدة ساكتة.. وكل ما تفتكر منى تدايق"
"طب ومنى "
" منى هطلقها .. وقبل ما تقولى اي حاجة .. منى انسانة انانية ... مبتحبش غير نفسها"
" وهى لما الست تغير على جوزها وعيزاه ليها لوحدها تبقي انانية "
" لأنها عايزانى ليها لوحدها .. ومش عايزة تريحنى حتى وانا معها... صدقيني تعبت معها اوى .. ومش لاقى حل غير انى اطلقها واعيش السنين اللى فاضلة فى عمرى معاكى"
" ارجوك... حتى بلاش نتكلم دلوقت.. لحد ما اشوف حياتى هتمشي ازاى"
" وانا موافق لو هتفكرى هديكي فرصة .. لحد ما اشوف حياتى مع منى... بس عايز اسمع منك حاجة وحدة تريح قلبي وطمنى"
" فريدة بتسأول"
" اية !!"
" انتى بتحبيني ولا لاءة"
" بحبك ياخالد .. لاكن نصبنا كدة"
" يمسككها خالد من درعها.."
" انا مش عايزك تستسلمى للقدر.. اوعى"

" حاضر"
**********************

" عزاء فى بيت ضياء .. "
" ماجدة بتقدم قهوة لى كل اللى اعدين "
" يدخل فجائة اتنين ستات وراجل فى الاربعينات "
" ماجدة تتفاجئ بأهل جوزها "
" ازيك ياماجدة.. امال فين ضياء"
" ماجدة .. " اعد فى اوضتو "
" طيب احنا عايزين نكلمو "
" طيب ممكن تستنو لحد بس ما العزا يخلص"
" ولاء .." احنا عايزينو فى كلمتين "
" ماجدة .."
" حاضر اتفضلو "
" تدخل ماجدة لى ضياء"
" ضياء خالاتك وخالك .. برة عايزينك"
" ضياء يمسح دموعو"
" خليهم يدخلو"
"تدخل ولاء وعبير وصادق الاوضة عند ضياء"
"ضياء "
" اهلا ياعمى اتفضل .. اتفضلو "
"يعدول كلهم على كراسي قصاد ضياء .. وماجدة"
"صادق"
" احنا عايزين نتكلم معاك انتا بس ياضياء"
" ماجدة "
" انا هطلع ياضياء .. اشوف الناس"
" بعد ما تطلع ماجدة"
" خير ياعمى .. في اية "
" بص احنا مش هنلف ولا ندور عليك ...امك من سنة ... كانت وصيتها .. ان الشقة تكون لى عبير خالتك .. اكمن ياعنى ملهاش ولا عيل ولا زوج..."
" ضياء"
" بس انا عايش فيها انا ومراتى "
" بس امك للأسف كتبتها بأسم عبير"
"ضياء يستغرب.. "
" امى اازى تعمل دة .. وهى عارفة انى محلتيش حاجة ومحلتيش اجيب شقة"
" اهو اللى حصل .. لاكن سبتلك مبلغ كويس فى البنك.. يعيشوك حلو انتا ومراتك "
" مبلغ !!" كام"
" 500 جنية .. ياعنى مش وحشين ليك "
" وانتا فاكر انى هكون مبسوط لما تاخدو البيت .. وانكم هتضحكو عليا بالمبلغ دة"
"  لو مش مصدق .. نوريك الوصية .. ونوريك المحامى اللى امك كانت بتتعامل معاه فى كل امورها"
" ضياء بكسرة "
" حاضر بكرة نبقي نروح"
" لأ دلوقت.."
" ضياء يبرق ليهم"
" بس انا تعبان ياعم صادق دلوقت.."
"عموما .. ولاء مراتى..وعيالى هجبهم .. وعبير اهم اعدين
" البيت بيتك طبعا.. بس متكترش عن يومين .. وضب امورك وشوف هتعيش فين "
" ماجدة تدخل بالقهوة ليهم ... تستغرب من ضياء اللى موطى راسو .. وهما اللى اللى كانو واقفين من بعد كلامهم معاه"
" صادق لى ولاء "
" يلا ياولاء روحى شوفيلك اى اوضة تعدى فيها واختارى اوضة كبيرة تاخدى عيالك معاكى فيها.. اونتى ياعبير الاوضة اللى اعدين فيها دى حلوة ليكي ... وانا هروح اجيب العيال واجى"
" ماجدة مش فاهمة حاجة "
" يمشي صادق .. وولاء تعمل زى ما قلها هى وعبير"

*********************

" وليد اعد مع جدو.. فى الصالة "
" رشاد بيحط الحجر على الشيشة ومعال بينفخ يطلع رزاز من ولعة الحجر"
" وليد "
" ااه ياجدو بيجي فى وشي "
" طب ابعد شوية ياوليد خليني اشرب الحجر"
" يرن التليفون .. يقوم رشاد يرد"
" وليد اعد بيبص على الشيشة .. بص حواليه لقى  جدو صوتو باين وهوا بيتكلم فى التليفون .. راح عند الشيشة واعد ياخد نفس منها شوية وسمع صوت جدو جاى .. سبها مكانها وراح يعد تانى "
" رشاد يمسك الشيشة ويبدء يشرب ... يسمعو صوت الباب"
" قوم ياوليد افتح الباب"
" اعتدال تشوف وليد "
" اية ياحبيبي .."
" هى ماما جت معاكى"
" لا ياحبيبي بكرة انشاء الله هتيجي "
" اعتدال تخش ...تعد مع رشاد "
"ها فريدة عاملة اية دلوقت.."
" كويسة عن الاول بكتير والبركة فى دكتور خالد ربنا يصلح حالو"
" الواد اشرف ... بعت ورقة الطلاقة النهاردة الصبح اول ما نزلتى السوق علطول"
" يلا يغور فى داهية "
" بس عايز ياخد وليد يعيش معاه"
" اه علشان يخرب اخلاق الواد بوساختو "
" الولد مبقاش صغير يااعتدال.... ياعنى من حقو الولد هوا اللى يختار يعيش مع مين ... "
" اكيد هيختار امو .. وانا متخفش هجس نبضو برضو علشان نبقي عارفين "

*****************

" فريدة اعدة على السرير.. وعلى رجليها الاكل "
" خالد يوجه كلام لى الممرضى"
" روحى انتى يانسرين .. "
" تحت امرك يادكتور "
" يبدء خالد .."
" يلا بقي عشان تاكلى ياحببتى "
" مليش نفس ياخالد "
" لية ملكيش نفس"
" نفسي اشوف وليد "
" حاضر خلاص بكرة هتروحى وتشوفية وتعدى فى وسطهم "
" انشاء الله ياخالد .. وتسكت فريدة وهى مدايقة "
" مالك تانى "
" خايفة من اشرف اوى"
" خالد يبص تحت اول ما يسمع اسمو .. تكمل فريدة كلمها وهى مش واخدة بالها من خالد"
" خايفة يأذيني وميطلقنيش علطول"
" دنا اكسرو قبل ما يعمل فيكي حاجة.. متخافيش يافريدة.. صدقيني هكون معاكى خطوةبخطوة"
" شكرا ياخالد"
" خالد يمد ايدو يمسك المعلقة .. ويبدء يأكلها"
" بحبك ياقلب خالد .. ممن تاكلى انتى مكلتيش من الصبح .. ومعالة بتدلعى .. وانا سايبك على راحتك لاكن لاء ياهانم .. لازم تخلى بالك من نفسك وتاكلى كويس"
" فريدة تحك"
" حاضر .. هاكل كويس علشان خاطرك
*********************
" ضياء وماجدة اعدين فى الصالة "
" ماجدة بتعيط .."
" هنعمل اية يا ضياء دلوقت"
" مش عارف.. بقي امى تعمل فيا كدة.. لية عملت فيها اية علشان تعمل فيا كدة"
" ياحبيبي دى ميجوزش عليها الا الرحمة.. خلاص ياحبيبي.. انشاء الله نتصرف
" نتصرف ازاى"
" ناجر شقة .. نروح نعد عند ماما لحد ما نتصرف .. لاكن متزعلش نفسك "
" ضياء ساكت .. وبعدها يعيط "
" خلاص ياضياء عشان خطرى.. انا هكلم ماما دلوقت ونروحلها "
*****************
" اعتدال مدايقة من ساعت ما كلمتها ماجدة"
" ياحببتى يابنتى.. اه ياحما يندلة.... ربنا يكحمك"
" رشاد معدى من جمبها "
" اية ياعتدال لسة بدرى علشان تكلمى روحك كدة"
" شوفت الولية النادلة.."
" رشاد بستغراب.. مين دى"
" الولية حمات ماجدة"
" ملها الله يرحمها .. ياشخة حرام عليكي "
" كتبت الشقة بأسم اختها اللى مش متجوزة دى .. وهتروح تعيش فيها هى واختها وجوز اختها التانى "
" طب ازاى الكلام دة"
" انا عارفة فجاءة النهاردة .. جم عليهم .. وبيقلولهم اظن العزا بقالو اربع ايام .. واحنا سبناكم كتير.. ومن حقنا نستلم الشقة زى ما الوصية بتقول"
" لا حول ولا قوة الا بالله.. والعمل ياعتدال"
" بتقولى هتيجي تعد معاية لحد ما تشوف صرفة "
" انشاء الله تيجي تشرف... رشاد وفجائة يجي فى دماغو فريدة اللى جاية هى كمان "
" بس انتى نسيتى ان فريدة كام جاية .. وهتعد هى وأبنها"
" اعتدال"
" ينهاار ابيض.. طب والعمل "
" مش عارف دة البيت على القد اوى نعمل اية "
" ياخوية طيب ماهم سعات بيباتو كلهم هنا عادى "
" يابنتى كان جوز بنتك بينام فى الارض .. وبنتك ماجدة حامل مينفعش تنام على الارض "
" طيب خلاص سبها ربنا هوا اللى هحيلها وفريدة غلبانة مش هتقول حاجة"

*******************

"منى اعدة مع سماح"
"شوفتى ياماما .. من ساعت ما شفتو .. مكلمنيش .. والخبيسة اللى صحبتها دى .. تاخد منى جوزى انا .. طب انا عملت معها اية .. دنا كنت بعملها زىاختى بالظبط"
" علشان تتعلمى متكلميش اى وحدة .. اهى النتيجة ختفت جوزك منك "
" لااا منا لازم اشوفلى حل .. علشان ميتجوزهاش "
" اية دة هوا هيتجوزها"
" هوا قال كدة قصدها.. وقال اية عيطت .. وبتقول انا مش عايزة اتجوز.. ابعدو عنى .. اهى بتمثل قصادى .. لاكن والله ما هسيبك ياخالد.. تخطفك منى "

*****************

"ماجدة اعدة هى وضياء فى الاوضة عند  ولدتها"
" تروح ماجدة تجيب من الشنطة بتاعتها  علاج علشان تدهنو لى ضياء على ضهرو "
" ضياء نايم على السرير "
" اااه مش قادر ياماجدة"
" معلش ياحبيبي ..هحطلك العلاج "
" تيجي ماجدة وتبدء تفرش العلاج على ضهرو وتدهنو "
" ااه ياماجدة براحة "
" معلش ياضياء عشان تخف"
" امى كسرتنى .. رمتنى فى الشارع علشان اخوتها.. كدة يأمى .. اعمل اية ياامى انا ومراتى من بعد ما بقاش لينا بيت "
" معلش ياضياء بكرة تتحل ياحبيبي"
" يقوم ضياء ويعد قصدها..." قوليلي تتحل اازى"
" انا معاية الدبلة بتاعتى .. اهى دلوقتى تجيب 100 جنية مش وحشة"
" وناخد الفلوس اللى ولدتك حطتها فى البنك ليك ناخدها .. ونحاول نتصرف وايدنا اعدين عند بابا ومحدش هيشتكى"
" بس انا مبحبش اكون تقيل عند حد.."
" متخفش ماما وبابا .. عمرهم ما يشتكو من دة"

******************

" فريدة طالعة من المستشفى.."
" تلاقى ضياء وماجدة واعتدال ووليد .. ورشاد  مستنينها "
" فريدة بفرحة .. تقرب من وليد .. "
" وحشتنى ياحبيبي "
" وحشتيني ياماما خالص"
"مش هسيبك ابدا تانى .. خلاص ياحبيبي "
"تنزل وليد على الارض .. وتحضن ببها وهى بتعيط "
" وحشتنى يابابا"
" ازيك يافريدة يابنتى .. الحمد لله انك بقيتى بخير"
" بقيت بخير علشان شفتكو كلكم"
" خالد من بعد نازل على السلم وراح
عندهم"
" صباح الخير اهلا شرفتو المستشفي"
" اعتدال.. "
" الله يخليك يادكتور خالد .. لولاك انتا مكنتش بنتى بقت كويسة"
" متقوليش كدة ياطنط .. يقرب خالد من رشاد "
" ازيك ياستاذ رشاد "
" ازيك انتا يادكتور خالد "
" ممكن اجى اشرب مع حضرتك الشاى .. ونتكلم شوية "
" اوى اوى يابنى تتفضل فى اى وقت"
" فريدة تسمع الكلام اللى قالو خالد لى رشاد ...تستغرب"


*****************

" خالد داخل البيت .. يلاقى منى قصادو يتخض"
" اية شفت عفريت "
" خالد ما يتكلمش .. ويدخل المطبخ .. يقلب فى يشوف اى حاجة يعملها وياكلها"
" متتعبش نفسك .. مفيش حاجة تتاكل"
" خالد " لية بقي ... مفيش"
" لأنى منزلتش النهاردة كنت تعبانة .."
" طيب هنزل اكل برة .. يزقها من قصادو "
" ويدخل الحمام ياخد شور"
" منى اعدة على الكنبة وبتفكر تعمل اية علشان مينزلش ويعد معها"
"خالد طالع من الحمام .. تقرب منى منو "
" وحشتنى ياخالد اوى "
" خالد .. مبيتكلمش ويدخل الاوضة ويسرح شعرو "
" منى .."
" للدرجادى زعلان منى"
" يرزع الفرشة على التسريحة ويفتح الدولاب ينقي حاجة يلبسها"
" منى تقرب من ضهرو وتحضنو "
" بحبك اوى ياخالد ... كلى بيموت فيك "
" خالد ماسك البدل بيقلب فيهم وبيشوف لون مناسب  يليق على المشاوار اللى رايحلو "
" منى تقلع اللى كانت لبساه .. وتدورو ليها "
" خالد يتفاجئ بجسمها العارى"
" اية دة يامنى البسى هدومك"
" وحشتنى خالص .. وحياتى تعد معاية ..محتاجة اشبع منك بقلنا كتير مش بنعد مع بعض"
" البسي هدومك يامنى .. انا نازل مشوار مهم ..."
" منى تتنرفز "
" ياعنى نازل مشوار مهم .. هوا فى اهم من الوقت دة دلوقت"
" خالد بنرفزة.. "
" ياعنى انتى عايزة اية دلوقت"
" تزقو على السرير"
" تعالى اقولك انا عايزة اية "

******************

" بعد ما فريدة روحت .. كلهم اعدين بيتفرجو على التى فى "
" فريدة بتبص كل شوية على الساعة ... " اتأخرت كدة لية ياخالد .. ياترى حصل اية "
"ماجدة تلاحظ تورتها"
" مالك يافريدة فى حاجة "
" ابدا ياحببتى مفيش.. "
" ماجدة تحس ان فى حاجة .. "
" طب تعالى نعد جوة نتكلم شوية "
" يدخلو الاوضة ويقفلو عليهم الباب"
" ها قولى بقي مالك "
" فريدة تبصلها" .. بس توعديني متقوليش لحد"
" ماجدة " متخافيش مش هقول لحد"
" وتبدء فريدة تحكلها من اول احسسها بخالد .. لحد الان واللى حصل فى المستشفى واعن مراتو"
" ماجدة " ياااه كل دة .. دة حب قديم بقي"
" والله ياماجدة مكنت بفكر فية حتى.. بس كان جوة قلبي لما بسمع اسمو بحس برعشة معرفش لية .. حتى لو سمعت اسمو فى التى فى.. اى حاجة..."
" ياحببتى يافريدة .. انشاء الله المشاكل تتحل وتتجوزو.. بس مراتو دى شكلها شرانى"
" منا دة اللى خايفة منو..."
" لا متخافيش هوا لو عايزك مش هيهمو حد"
" فكرك كدة"
" طبعا .. وبعدين باين اوى من تصرفاتو انو بيحبك جدا وميقدرش يستغنى عنك"

******************

" خالد يقوم من على السرير.. "
" انا نازل مشوار"
" منى نايمة على السرير ".. وهتسبنى لوحدى"
" معلش يامنى ... مشوار مهم"
" طيب اجى معاك "
" لا اصلو مشوار شغل"
" هتتأخر كتير"
" لا ساعة بس مش اكتر"
" تقوم منى .. وتحضنو .." هتوحشنى"
" خالد مستغرب من تغيرها المفاجئ.. اه هوا زعلان منها.. لاكن اللى عملتو معاه خلاه مبسوط .. لاكن دة ميمنعش انو بيحب فريدة وعايزها اكتر من منى.. لأنو بيحبها"

************************

" جرس الباب يرن عند رشاد "
" رشاد يروح يفتح الباب "
" اهلا ازيك يادكتور خالد "
" فريدة تسمع ترحاب بى خالد من برة تفرح اوى "
" ماجدة تحس بى فرحتها.."
" يلا ياستى عريسك جية "
" فريدة "
" بس ياماجدة "
" تطلع فريدة ومعها ماجدة "
" خالد يعد فى الصالون"
" رشاد .." شرفتنا يابنى "
" الشرف ليا انا  يأستاذ رشاد "
"تعد فريدة وكلهم اعدين .."
" خالد انا كنت جاى اطب ايد فريدة "
" علمات السعادة تبان عليهم "
" رشاد .. ومالو يابنى .. بس اللى اعرفو انك متجوز"
" بص ياعمى انا وزوجتى .. مش متوافقين مع بعض.. وهنطلق... "
" رشاد " لاحول ولا قوة الا بالله .. "
" انا معجب بفريدة .. وناوى احطها جوة عيونى .. بس انتو وافقو وصدقونى مش هتندمو"
" كلهم ساكتين .. ترد اعتدال"
"ياحبيبي ومالو ... احنا نطول تكون جوز بنتنا...
" خالد يفرح .. وهوا باصص على فريدة "
" فجائة يسمعو صوت جرس الباب .. وخبط جامد "
" كلهم يتخضو من الرزع اللى على الباب بستمرار "