قصص: غــــــــادة : بين المطرقة والسندان... الحلقة 7

بيــن المطــرقة والسنــدان

 

" فريدة تسمع صوت اشرف جاى ... تقفل الفديو وتقوم "
"اشرف وهوا بينشف شعرو " اية فى اية "
" مفيش عندى شوية مغص "
" ماشي ... انا هنزل  ساعة وجاى ... هتعملى اكل اية "
" شكلى مش هقدر اعمل ... وانتا جاى ابقي جبلك اى حاجة تكلها"
" ياعنى اية الكلام دة ... انا جعان وبعدين منتى عارفة انى مبكلش من الشارع"
"فريدة بتعب.. طب اعملك اكل اية "
"  اى حاجة المهم يكون اكل حلو ومتسديش نفسي"
" حاضر"
" يديها الفوطة ويمشي "

**********************

 

اعتدال بتقدم الشاى لى ضياء... ماجدة اعدة فى الكرسي اللى جمبي .... تعد اعتدال على الكرسي اللى قصادهم .."

" اية ياضياء فات سنة كاملة ... ومفيش اى خطوة حصلت ... هوا انتا ناوى على اية "
" وبدء ضياء يتكلم باحراج " بصي يامرات عمى انا مش عارف اقولك اية ... بس بجد انا بحاول اعمل كل جهدى علشان اشترى العفش منتى عارفة... الحاجة غالية اوى ... ومهيتي على قدى"
" ماجدة خايفة وماسكة نفسها بالعافية ... لأنها متاكدة ان ولدتها بتبهدل الدنيا"
" بص يابنى انا بنتى مش وحشة ولا معيوبة علشان ااعدها كل دة ... اديك شايف اختها ام 15 سنة اتجوزت وحامل ... وقريب هتخلف ... وبنتى الكبيرة لسة اعدة... قولت هستنى ومعلش ... هوا جدع وراجل وبنتى متمسكة بية لاكن لما اشوف بنتى عدت سن ال20 يبقي اخاف بقي على مستقبلها"
" ماجدة لى مامتها.." ياماما اية اللى بتقولية دة "
" اسكتى يابت متتكلميش طلامة بتكلم "
" يجي رشاد من برة " اية فى اية "
" اعتدال  تبص لى رشاد ومتتكلمش .. وتقوم تدخل جوة"
" رشاد يجي يعد بدلها " فى اية ياماجدة "

" ضياء " انا هقولك ياعمى فى اية ... فى الحقيقة انا لسة فضلي شوية على ما اكمل فلوس العفش ... وصدقنى ياعمى انا لو فى ايدي حاجة مكنت اتأخرت واتجوزت ماجدة علطول "
" يابنى وانتا مش فيك حاجة وحشة وانا موافق عليك ومفيش كلمة.. هتمشي من بعد كلمتى"
" وانا محترم كلمتك ... لاكن انا شايف انى مش هعرف الم فلوس العفش دلوقت "
" رشاد " تقصد اية "
" اقصد .. ان كل شي نصيب"
" اعتدال تيجي بنفعال.." نعم نعم ... شوفتى ياختى هوا دة اللى انتى عيزاه .. اهو مستحملش من اول اعدة ومن اول مشتكينا .. وعايز يهرب"
" ضياء" لية بتقولى كدة يامرات عمى... انا راجل وقد كلمتى اللى ادتها لى عمى ... لاكن انا شايف ان قدامى شوية وبصراحة صعبت عليا نفسي... ولو ماجدة هتكبر وتعنس جمبي انا مرضلهاش ابدا "
" ماجدة تعيط .." ضياء انا عمرى مستغنى عنك "
" تيجي اعتدال وتبعد ايد ماجدة عنو .." ابعدى ايدك عنو دة مش عارف امتك "
" لو مكنتش عارف امتها مكنتش فضلت داير فى كل حتة علشان اشتغل شغلانة واتسبت ... انا هقولك كلمة اخيرة... الانسان مش بفلوسو وبس... الانسان بعقلو ورجلتو ... وبالكلمة اللى بتطلع منو وميرجعش فيها ... وانا مرجعتش فى كلامى ... لاكن انا بجد مش عارف ارضيكو ازاى"
"رشاد يشخط فى اعتدال .." ادخلى جوة ياعتدال ... وخدى ماجدة معاكى "
" ماجدة تقوم من جمب ضياء وهى بصالو لحد ما طلعت من الصالون"

*********************

 

" ماجدة بتعيط بنهيار"
" انتى هبلة وهتفضلي طول عمرك كدة... بصي لى اختك ... كنت لما اشورلها على واحد كانت تسمع كلامى وترتبط بي عاقلة وعارفة مصلحتها"
"ماجدة وبدئت تتكلم بنرفزة" اختى عمرها مأخدت اللى هى عيزاه ... اسئليها مبسوطة فى جوزها ولا لاء هتقولك مش طايقة جوزها... ومش عاجبها عشتها "
" انتى هتخليها تكره حياتها بالعافية ... عموما يابت متخافيش والله فى الف من يتمنى تراب رجلك بس انتى سيبك من الفقرى دة ... اللى معهوش 10 جنية على بعض فى جيبو "
" بس بحبو "
" اسكتى هوا فية حاجة اسمها حب الحب بينتهى بعد الجواز"

 

*******************

 

" الله يلعن اليوم اللى اتجوزتك فية ... اكل زفت بيت مش عارف اتهنى فية ... انتى طلعتيلي منين "
" فريدة اعدة ومش قادرة تتكلم وسمعاه"
" انتى باردة ... انتى حتت تمثال متفرقيش عن التمثال فى اي حاجة

" خلصت كلامك ... انتا عاجبك اية فى حيتنا يااشرف... انتا شايف ان دى بقت عيشا"
" انتى بتردى عليا ... ولهى عال .. ابوكى الراجل علمك  كدة برضو ... علمك تكلمى جوزك كدة ... علمك لما جوزك يبقي تعبان طول اليوم وعايز ياكل اكلة حلوة ... يجي ياكل القرف دة "
" ملكش دعوة بى بابا ولا بى اهلى"
" اهلا يابابا...  يلعن ابوكى واللى خلفوكى ... وطلو منتى عاصية هتخدى منى اوسخ الكلام "
" فريدة تقوم بتعب " انتا اتجنننت... اللى بتقولو على اهلى دة "
" اشرف بنرفزة .. ويخبطها تقع على الكنبة .." انا سيبلك البيت كلو وى ماشي "

*****************

 

" منى  بتدور على طقم حلو علشان تخرج بية ... خالد يدخل عليها
" برضو نازلة "
" اه هروح عند ماما ... وهننزل نشترى شوية حاجات ... وكمان اشتركت فى نادى .. علشان اكسر الملل اللى انا فية "
" طيب فى حاجة اكلها انا مكلتش من الصبح "
" فى اكل باقي من امبارح فى التلاجة "
" انهى اكل ... الاكل الجاهز مش كدة ... طيب وبالنسبة لللمسبك والمحمر والكلام دة اللى اى ست بتعملو "
" والله مبعرفش اطبخ"
" والاكل اللى كنتى بتعملية لما كنت بجلكم"
" ياحبيبي دة كانت ماما بتعملو مش انا ... منتا عارف ماما كانت حاطة عنيها عليك علشانى.. ويارتنى مسمعت كلامها"
" بقي كدة يامنى "
" ايوة كدة ... واوعى بقي خليني الحق مشوارى"

 

**********************

 

بعد مرور 5 سنوات "

" فريدة بتلبس وليد هدومو بتاعت المدرسة"
" يوووة بقي ياماما انا مبحبش الجزمة دى ... انا عايز البس الجزمة السودة"
" يابنى متتعبنيش بقي والبس اللى بديهولك "
" اشرف " متسيبى الواد يلبس اللى هوا عايزو .. اما انك ام رخمة صحيح"
" ماشي خليك انتا كدة معاة فى العند علطول"

********************

 

" امام  المدرسة ... تدخل فريدة ومعهاوليد"
" ماما انا مش عايز ادخل الفصل"
" متخفش ياحبيبي هبقي اجيلك.. يلا بينا بقي"
" تطلع فريدة وطلع وليد فصلو وتوصي علية المدرسة بتاعتو وتنزل

 

******************

 

" خالد يدخل على منى اوضة النوم" منى"
"اية "
" انا مسافر "
" اااية مسافر... وهتسبنى لى وحدى"
"اظن انك مش صغيرة ولا اية "

" منى وتتنرفز علية " انتا علطول يا مسافر ياخارج يا بتروح العيادة ولحد امتى"
" خالد يقرب منها بهدوء.." منى انتى عمرك كنتى ست معاية .. عمرك كلمتيني كويس رغم انى بسايسك جدا فى كل الامور... عمرك ادتيني اللى اى زوج محتاجو ودة من حقى... عمرك ريحتى قلبي عمرك  دخلت البيت وقولتى ليا كلمة حلوة ... كل دة انتى معلتيهوش ... يبقي متجيش بعد جواز 6 سنين وتتكلمى فى حاجات مقدرش استغنى عنها  لأنها اهم شي فى حياتى"
" اهم منى"
" مش بالظبط ... بس دة شغلى ولا اية "
" ماشي ياخالد سافر وهترجع امتى"
" بعد بكرة"

" منى بتحضر الشنطة لى خالد "
" خالد بيحلق دقنو.. وبعد ما يخلص ... يدخل الاوضة يلاقى منى واقفة بى ضهرها  يقرب منها" هتوحشينى يامنى"
" وانتا كمان هتوحشنى اوى "
" مش هتأكليني اكله حلوة بقي  قبل ما اسافر"
" حاضر.. نفسك تاكل اية "
" بجد هتأكليني .. من ايدك"
" منى تبتسم .." ايوة ياحبيبي طبعا طلامة بكتلمنى كويس وبتعملنى حلو لية انا اعملك وحش.."
" طيب ياستى انا عايز اكل ملوخية بالارانب ... وعايز اكل  محشي اي صنف من المحشى.. وعايز اكل "
" استنا بس .. اية كل دة .. انا مبعرفش اعمل ولا حاجة من دة"
" طب انا مبحبش غير دة اية العمل دلوقت"
" خلاص هجيب واتصل بماما واحاول"

 

******************

 

" فريدة روحت البيت ... تلاقى اشرف بيلبس علشان رايح الشغل"
" بقولك اية انا عمامى جايين ... عايزك تعملى اكل حلو ..."
" فريدة بزهق" حاضرررر"
" اشرف يخبطها فى درعها " ماالك بتتكلمى كدة لية "
" مفيش علشان تعبانة شوية "
" طيب ابقي اعدلى لسانك معاية ... وجهزى نفسك علشان هسافر يوم الخميس"
" انتا مش قولت  انك مش هتسافر تانى من سنتين"
" لاء فى  شغل مهم جالى ارفضو ياعنى "

" لاء مترفضش .. سبنى انا وبنى .. وفضل بعيد شهور "
"بقولك اية انا مش عايز وجع دماغ ....اعملى اكل حلو علشان ترفعى راسي قدام اهلى"

*****************

 

" فريدة تنزل السوق ... علشان تجيب الاكل .. تبص تلاقى طماطم تعجبها تروح عند الراجل "
"ايوة ياست عايزة بكام "
" عايزة 4 كيلو "
" تسمع منى الكمية اللى بتشتريها فريدة تتخض"
" تعد تنقى منى .. وهى قرفانة تمسك اى حاجة بئديها "
" فريدة تبص جمبها تلاحظ الست اللى جمبيها بتنقي وحش "
" انتى مش بتعرفي تنقي"
" اه اصل بصراحة اول مرة انزل السوق وانقى"
" ولا يهمك كلنا كنا كدة فى اول جوزنا "
" بس انا بقالى 6 سنين متجوزة"
" زى وانا كمان بقالى 6 سنين وكام شهر"
" تشرفنا "
" لو حابة انقيلك الطماطم مفيش مانع "
" لا مش عايزة اتعبك "
" لا عادى ولا يهمك"
" بدؤ يتكلمو طول ما هما بينقو ويتمشو فى السوق "
" ههههه بس بجد انا حبيتك اوى ... "

" وانا والله ربنا اللى يعلم "
" يجي واحد راكب عجلة ... يخبط منى كل اللى ماسكاه يقع على فريدة "
" فريدة تزعق للراجل .." مش تحاسب "
" انا اسف يامدام والله مأخدت بالى "
" منى ياااه دنتى هدومك باظت خالص... انا اسفة اوى "
" ولا يهمك المشكلة انى هروح بعد ما امشي عند ابنى المدرسة علشان اجيبو "
" هوا انتى عندك ابن "
" ايوة وليد "
" طيب تعالى انا بيتي قريب من هنا ممكن اجبلك حاجة تلبسيها غير هدومك دى .. واخلى جوزى يوصلك هوا معاه عربية علشان متتأخريش"
" مش عايزة اتعبك معاية "
" لالا ولا تعب ولا حاجة "