قصص : غــــــادة : بين المطرقة والسندان ... الحلقة 8
بيــن المطـرقة والسنـدان
"تطلع فريدة على السلم ورا منى .."
" منى لى فريدة " اتفضلي متتكسفيش"
" فريدة ببتسامة .. وهى طالعة لحد ما وصلو لى باب الشقة "
" منى تشاور ليها انها تعد..تدخل منى المطبخ تجيب حاجة فريدة تشربها" "فريدة اعدة فى الصالون ...تسمع صوت منى جاية "
" تدخل منى .. وتحط المشروب "
لحظة وحدة وجيالك "
*****************
" خالد نايم على السرير... وسامع صوت منى من برة بتتكلم مع حد "
" منى تفتح الباب علية .." اية ياخالد كل دة نوم.."
" فى اية "
" ابدا دى وحدة اتعرفت عليها فى السوق "
" خالد بعصبية " هوا انتى كل ما تنزلى فى حتة .. تجيلي بى وحدة مصحبها "
" اية دة .. ياعنى عايزنى انعزل عن الناس .. وبعدين دى محترمة جدا ... ولولها مكنتش جبت الحاجات بتاعتى "
" ماشي ياختى روحى شوفيلي السكة خليني ادخل الحمام علشان عندى مشوار مهم"
" طيب قبل ما تروح عيزاك توصلها "
" اوصل مين .. انتى بتستهبلى"
" ياخالد .. الست وقع عليها الحاجة وهدومها متبهدلة هجبلها حاجة تلبسها من عندى وانتا وصلها علشان بتها بعيد عن هنا "
****************
" منى طالعة ورايحة عندها" نورتيني "
" متشكرة اوى ..."
" تمسك منى الفستان وتورى ليها"
" اية دة لا مينفعش البسو "
" لية "
" معلش علشان عريان"
" طيب ياستى بلاش اشوفلك حاجة تانية مقفولة .. انا نسيت انك محجبة .."
" خالد طالع من الحمام .. يلاقى منى جاية بالهدوم"يلا علشان توصلها "
" اوووف حاضر ..."
"يدخل خالد ويلبس هدومو"
" خالد طالع من الاوضة من بعد ما لبس.. يشاور لى منى ..."
" منى لى فريدة ..." لحظة وحدة " تعالى يلا "
" خالد يقرب من باب الصالون "
" فريدة تقوم .. تلف وشها ناحية الباب .. تتفاجئ بخالد "
" خالد يشوف فريدة .. يحس بسخونة وشو "
" يلا ياخالد انزل دور العربية ..."
"خالد " حاضر"
*****************
خالد اعد فى العربية منتظرها تنزل .. وحاطت ايدو على دقنو .. وعمال يفكر .." يااه دى الدنيا صغيرة اوى ... معقول فريدة ... بس دى شكلها اتغير خالص ..." فجائة يشوفها نازلة على سلم العمارة "
" فريدة باصة على خالد وهى بتنزل .. لحد ما وصلت عندو
" خالد يطلع من العربية .." هاتى عنك "
" لاء انا هحطهم على رجلى "
" لاء علشان ميوجعوش رجليكي " ياخد خالد الشنط اللى معها علشان يحطها ورا "
" فريدة بتفتح باب العربية .. الورانى"
" استنى انا هفتحهولك .."يفتح خالد باب العربية .. وتركب
" طول الطريق .. وخالد عمال يبص عليها من مراية العربية فجائة يقف بالعربية "
" فريدة تستغرب.." وقفت لية "
" يلف خالد ويبصلها " عاملة اية يافريدة .. اخبار حياتك اية "
" الحمد لله"
" عندك اطفال"
" ايوة عندى وليد "
" ربنا يخليهولك .... انا ربنا مكرمنيش .. منى مبتخلفش"
" ربنا يعوضك انشاء الله "
" انتى اتغيرتى خالص يافريدة .. "
" ارجوك .. ممكن تروحنى علشان متأخرش "
" خالد ياخد نفس ويرجع بضهرو على الكرسي وبعد دقايق .. مشي بالعربية "
" فريدة " خلاص نزلنى هنا"
" بس هتمشي كدة كتير"
" لا مش كتير ولا حاجة .. بس علشان محدش يشوفنى راكبة مع حد غريب"
" ينزل خالد ويمسك الشنط .. ويروح بسرعة يفتحلها باب العربية
" فريدة تمسك منو الشنط .." شكرا"
" العفو .." يمد ايدو علشان يسلم عليها.. فريدة بتفكر تمد ايدها تسلم ولا لاءة"
" انا هفضل مادد ايدي كتير"
" فريدة تمد اديها .. وتسلم وتسحب اديها بسرعة وهى بترد السلام وتمشي"
*****************
" فريدة داخلة تقفل الباب ورها"
" اشرف يجي " ما لسة بدرى ياست هانم "
" فريدة تدخل المطبخ .. تحط الشنط "
" اية كل دة يابت "
" وطى صوتك ياأشرف... علشن وليد "
" هئ وليد ... وليد مين ياختى دة اللى سيباه مفلوء من العياط .. من الصبح .. انتى عارفة انتى فى السوق بقالك قد اية .. وبعدين اية اللى على هدومك دة ... "
" اصلي وقعت "
" واهلك بقي علموكى لما تنزلى تيجي الحاجة من السوق ... تتأخرى كل دة وتفضلي تلفي فى الشوارع"
" انا اهلى ربونى كويس ..."
" تعدى فريدة من جمبو لما تسمع صوت وليد بيعيط "
" اشرف جاي ورها وهوا صوتو عالى " ماهو طبعاا ابوكى قبل ما تتجوزى ... قالك لازم تعلى صوتك على جوزك .. وتقفى قصادو كدة "
" متقولش كلمة على اهلى .. وبعدين محدش جبرك تتجوزنى"
" انتى بتردى عليا .."
" فريدة ولقت الالم على وشها جامد اوى .. من قوة الالم .. دموعها بتنزل "
" الله يلعن اليوم اللى اتجوزتك فية ياشيخة "
" حرام عليك انا عملتلك اية لكل دة "
" معملتيش .. انسانة بتعصي كلام جوزك.. ومبتسمعيش كلامو .. بس ومش فالحة غير تردى عليا وصوتك يبقي قد كدة"
" انا معلتش صوتى "
"انا مش عايزك فى البيت ... روحى لى ابوكى خلية ينفعك .. ويربيكي "
" تعيط فريدة .. وهى داخلة الاوضة تلم هدومها علشان تمشي"
*****************
" منى بعد ما خلصت الاكل .. ماسكة الساعة وراحة جاية .. من الزهق"
*****************
" خالد عمال يلف بالعربية .. وبيفتكر ايام مكانت فريدة بتجيلو العياده ... وكان فرحان .. وهوا بيفتكر كل دة .. وكل ما يفتكر التحدى اللى كان فى صوتها اخر مرة .. يزعل وعيونو تبكى ..يبص على الساعة يلاقيها داخلة على 10 .. يدور العربية ويمشي"
****************
" منى تسمع صوت عربيتو من تحت .. تروح تعد على الكنبة لحد ما يطلع"
" خالد يحط المفتاح فى الباب ويفتحو يدخل وقبل ما يقفل الباب " ما لسة بدرى يادكتور "
" خالد يبصلها "
" منى تبص الناحية التانية "
" يروح عندها " اية ياحببتى وحشتيني اوى "
" منى تشيل ايدو من عليها وتقوم "
" خالد يفضل اعد على الارض .. وبااص عليها وهى داخلة الاوضة يقوم ويروح ورها " مالك يامنى "
" اتأخرت لية "
" ابدا كنت مع صحابي .. وبلف اشترى شوية حاجات"
" الحاجات اللى انتا شاريها مش معاك "
"لا انا شبتها فى العربية "
" منى اعدة ومتنرفزة جدا "
" خالد يقرب يعد جمبها على طرف السرير" طيب انا اسف ياحببتى .. امال فين الاكل "
"منى تقوم من غير ما تتكلم معاه .. وتخش المطبخ تحضر الاكل
"خالد يغير هدومو وهوا طالع كان شافها حاطة الاكل .. يروح ويعد على السفرة ..." يلا مش هتكلى معاية "
" لاءة مليش نفس"
" طب منتى عارفة انى مبيجليش نفس لما ببقي اعد لوحدى على الاكل "
" مليش نفس ياخالد وبعدين منتا عارف انى مبتعشاش"
" يقوم خالد من على الاكل بزعل "
" رايح فين "
" مش واكل "
" يااعنى اية بعد كل التعب دة .. ومش هتاكل "
"ياعنى مبيجليش نفس غير لما بتاكلى معاية
" منى تعد .." طيب هاكل "
*******************
" فريدة اعدة على سريرها ومبطلتش عياط من ساعت ما جت "
"ماجدة جاية وعلى اديها رحمة " ياحببتى .. معلش كل الرجالة كدة "
" انا تعبت اوى اوى ياماجدة"
" معلش ياحببتى استحملى ...امال انا اعمل اية اللى عايشة فى بيت حماتى بعد كل التعب دة "
" انا عندى اعيش مع حماتى ولا اعيش مع اشرف"
" لية بس يافريدة بس مش باين علية خالص"
" انتى مش عارفة حاجة .. دنا مفيش حاجة مش بعملها.. لاكن هوا عينو فارغة ... وبيعمل حركات ناقصة "
" زى اية "
" مرة القى سهران للصبح .. واجى الاحظ شريط فيدو .. افتحو القى حاجات وحشة "
" لاا اخص علية .. كدة قرف"
" افردى ابنى فتح الفديو وشاف .. يشوف كدة "
" معلش يافريدة ...الحال من بعضو .. بس انا اللى مخليني مستحملة ضياء انو كويس معاية ...بس فى حاجات كتير ببقي محتجها مبلقيهاش "
"تدخل اعتدال .." ابوكى مدايق اوى علشان يافريدة
" فريدة " انا هطلع اعد معاه دلوقت "
*****************
" رشاد اعد يشوف فريدة جاية علية "
"ازيك يابابا"
" ازيك ياحببتى .. تعالى اعدى "
" تعد فريدة .. وباين عليها انها معيطة جامد "
" مالك يابنتى قولى اية اللى حصل"
" بابا انا تعبانة واشرف مش كويس معاية خالص"
" طيب والعمل .. هنعمل اية مينفعش نقفق قصادو فى حاجة .. ابنك هيتبهدل مبنكم"
" فريدة تعيط .. جامد "
" معلش ياحببتى .. انا هروح واتكلم معاه .. واعقلو وفهم اية فى دماغو "
*****************
" اشرف يفتح الباب .. " ادخلى ياحببتى "
"اوعى تكون مراتك هنا "
" لاء متخفيش نكدت على ابوها وغارت عند ابوها النهاردة "
" هههههههئ وهى دى شقتك "
" اه "
"حلوة اوى .. خسارة فى مراتك اللى منكدة عليك عشتك "
" طب يلا بقي .. دى اوضة النوم .. ادخلى اتلمعى .. لحد ما اشوف شريط .. نتفرج علية "
*********************
" فريدة اعدة بتأكل وليد "
" رشاد لما حس ان بنتو اتهانت جامد .. فكر يرحلو لبس هدومو علطول ودخل عند فريدة "
" فريدة تبصلو " اية يابابا فى حاجة خير"
لا ياحببتى مفيش.. انا هروح دلوقت لى اشرف"
" متتعبش نفسك معايه"
" لاء يابنتى تعبك دة انا مش قادر علية ولازم اخد حقك واعرف كل حاجة
" طيب الصباح رباح"
" لاء علشان يعرف انك عندك اهل ... يقفو قصادو "
****************
" خالد من بعد ما اتفرج على التلفزيون يجي ساعة .. مش عارف يعمل اية لى منى .. وهوا حاسس انو مزعلها ...فكر يدخل عندها "
" منى ماسكة كتاب واعدة بتقرا .. تشوف خالد داخل .. تغطى رجليها "
" خالد يلاحظ اللى بتعملو يدايق يروح عندها " اية مالك .."
" مفيش "
" منى هوا احنا بقلنا قد متجوزين علشان تتكسفي منى"
" والله انا مش مكسوفة... لاكن عمايلك دى اللى مخليانى مش طايقة نفسي"
" بس بحبك والله العظيم .. وكانو وحشنى صحابي"
" بس انا اهم من اى حد .. "
" عارف انك اهم من اى حد ..."
" منتا خلاص مسافر بكرة ... تقدر تقولى اعمل اية وانتا هتغيب عنى اسبوع "
" ولا حاجة انا هعوضك عن اليوم كلو .. بساعة وحدة "
" اية هنخرج "
" لاءة "
" منى تلوى بوزها "
" يجيب وشها ناحيتو " هعوضك بكدة .." يقرب من خجه ويبوسها ويخدها فى حضنو "
" منى تزقو .." اوعى انا مش ناقصة"
" خالد يقاومها .. بكل قوتو .. لاكن كانت بتقاومو جامد اوى .. ومش عيزاه يجي جمبها "
" خالد يبعد عنها" خلا ص خلاص .. مش عايز حاجة "
"منى .. تعد هدوموها " اعمل حسابك انك اول ما تسافر انا مش هعد فى البيت هروح عند ماما اعد عندها .. اه انا مش ناقصة ملل "
" برحتك .. اللى تشوفى يامنى ...ويكون فى معلومك اللى انتى بتعملية معاية دة .. انا مش هعدى .. لاكن سايبك على راحتك علشان تعترفى انك بتغلطى .. وتيجي تتأسفي"
" ومين قالك انى غلطانة وانى لازم اجى لحد عندك وأكنك سي السيد وابوس رجلك والحركات البلدى دى "
" بس انا جوزك ومن حقي اطلب اى حاجة وتعمليهالى وانا مبطلبش منك المستحيل"
" لا ء مستحيل .. وزى منتا هامل شعورى انا كمان ههمل طلباتك"
" خالد يمسك باب الاوضة ويرزعو من نرفزتو"
******************
" رشاد واقف قدام العمارة .. ويبص من فوق .. يلاقي نور فى الشقة يعرف انو صاحى .. "
" البواب.." طالع فين يابية "
" طالع لى الاستاذ اشرف اللى ساكن فى الخامس"
" اتفضل يابية "
" يطلع رشاد لحد ما يوصل للدورا الخامس .. ويرن الجرس... ويقف منتظر و انو يفتح "
*******************
ليست هناك تعليقات:
إرسال تعليق